مجموعه ابوذيات

ا

ا لبخل ماوصل يمي ... مالحاني

و تضل وحدة كلمتي ... مألح أني

أ بن العراق اني ... مالح اني

معزب دوم يالتنشد عليه

خدودك يا ترف من وردة حمرة

و شفايف كالعسل من غير حمرة

بس وياي تنطي العين حمرة

و ارق من النسيم وية البقية

ا همومي ماتعدهه ارقام ونمر

متى نكدر نفوت اعليك ونمر

دليلي اعلى المصايب صلف ونمر

يضحك والدهر محرب عليه

وحك اللي تعبده الناس منشاف

الدمع من يومكم لليوم منشاف

الف ياحيف شفي انكطع منشاف

بعد هيهات جمعتنا سويه

حگي امنندب ابحضي وفالي

لان ماواحد ابربعي وفالي

زماني ضيع اشباچي وفالي

ا وخله الزوري يتمظيگ عليه

وحق الي تعبده الناس وحده

حبك سلب مني الروح وحده

هذني اثنين ونته اختار وحده

ترحل لو تضل محبوب اليه

ا لدهر لاعب اجدادك لاعبالك

ا ومشو لاصايه تركو لاعبا لك

ا ذا مره ضحكلك لاعبالك

تره ابلحظه يراويك المنيه

جنة من الدفو ياناس حضنة

عشكتة وماكعد وياه حضنة

ما ردت الطمع بس ردت حضنة

ومن احضنة محد يفكة من اديه

تروح الروح بغيابك وأردهه

وكتاب جفاك يمدلل وردهه

روحي بغيابك تره يذبل ورده

مأي أنته وترد الروح بييه

رشيق الطول كال بشعر صفنه

وجمالك بلشعر يراد صفنه

بطولك لو تجي وتصير صفنه

صفر ينطونه وينطوك ميه

على ضيم الهوى ياروح علمي

وبيها ارفعت اني اليوم علمي

اسالتها المستوى وتكول علمي

بخامس باء يالتسال عليه

وحق من مرضك ياسمر وشافاك

ا تخبل كلمن لمح حسنك وشافاك

لون اشتم عطر خدك وشافاك

مناعه من الامراض اتصير بيه

ا حبابي شلون حالتكم بعدنة؟

شبدينة والوكت عنكم بعدنة؟

ا ذا انتو نسيتو احنه بعدنه

بذكركم كل صباح وكل مسية.

ا له يومين محبوبي ميانه

لون يعطش اصيرله مي انا

ا هي جلمة وحجيناهه بميانة

شو زعل وحمرن خدوده عليه

أ نام وشوك محبوبي يعاني

ا فز مرعوب واتخيل يعاني

هلي الدمع مرخوصه يعاني

على اللي بالوصل شحوا عليه

كل مغرم برت علته وناله

سعيد اللي حضه بشخصك وناله

ا لطارش من سمع نوحي وناله

ترك شغله وبجه رحمه عليه

يا لايم لا تلوم النفس خلها

وعساها تموت عكب فراك خلها

لازم ايدي الطبيب وكلت خلها

ا لالم داخل مهجتي وشلون بيه

سواك احبك ما احبك علارض سواك

وسبحانه الذي من طين سواك

بشر لاجن ويه الكمر ساواك

واحد فوك واحد ما بين ايديه

دمــع عيني علـى الخدين .. جاري

وجرالي الما اظن بالناس .. جاري

ريـت اللي احبـه يكــون .. جاري

واشوفه بكــل صباح وكــــل مسيّه

تكلي بعد ما اريدك ولا ابيك

هاي اطباع مو منك ولا بيك

ا بد ما الوم والدتك ولا ابيك

ا لوم الزمان الذبك عليه