ليش ياكلبي نسيت اللي اجوك...ورحت يم عالم تريد اتعاني
تريد تنساني نسيتك من زمان..وعادي والله وداعتك انساني
انت مو اول محب يجرح حبيب..وجذب ماصيرن الك من ثاني
احزاني من صغري ربت كبرت عليك..واني اعرفك طبعتك والجاني
تعبتني وكل شي منك مستحيل..وعلمتني وعلمت احزاني
طاحت عيوني عليك ومن مشيت.. لجمة صارت كبرت نيراني
ا اني موقصدي اردلك من حجيت..لكن بداخل ضمير انساني
ماجرحك بالحجي واعتب عليك..لكن اعتب عالزمان واني
بية الك لهفة كبل لهفة قطار...للمة الركاب من يتاني
روح باجر عيد سلم عاليجون...ولاتجيني مسددة بيباني
راح احذفك من حياتي للاخير.وراح اغير منهجي ووجداني
وجاي اذكر قصيدة وبيها بيت..وجان شاعرها حسن مرواني
ماتت بمحراب عينيك ..انتهيت..ابتهالاتي..ونشيد الحاني
يلا باجر عيد..ماريد ك تعود...وماريدن قارئة فنجاني
انتهت قصتنا بس فرحانة ليش...راح اخلص من قلق ادماني
![مُنتديـآإتَ [ بـحـر آلـضـيآعَ ] ..](https://i.servimg.com/u/f64/14/74/26/94/i_logo10.png){kind=logo}
