صـــفنــــة لهــفتــي

عدد المساهمات : 22 تاريخ التسجيل : 09/09/2010

صـفـنـة لـهـفتـي

وينك يابعيد العين يمته تعود.. موطال انتظارك وانهدم حيلي
ليلي ابلاية طولك جنه ليل يصير..يخلص حتى عمري وماخلص ليلي
امس وديتلك اخر نفس بالروح..واخر جف دعاء بصبر يدعيلي

اريدن جارة منك لاتكلي شلون.. وجارة لحر دمعتي من يسويلي

يل مواعد صفنتي بلهفة كد الغيم..يمته بمطر روحك يوم تبجيلي
تعال العشك خلص والغرام يخاف..من يعزف غرامي وسر مواويلي
وديلي المسافة وكل سواد الليل..وديلي اليصبرك كلشي وديلي
اريدن ذكرياتي وشوك سبع سنين..اريدن نص خيالي وكل مراسيلي
واحجيلك سوالف جنت كل مااجيك..اريدن هسة انت الخاطري احجيلي

احبك اي احبك شنهي قابل عيب..يعجبني السهر لمن تناغيلي
واصرخ من تكلي بشوك ميت بيك..اريدن من سوادي وشوكي تبنيلي
صوت اخر غرامي يصيح رد ارجوك...مامعقولة تتجاهل تواسيلي
يلا ارجع حبيبي وخل اموت وياك...حياة ابلاية طولك صفر تعنيلي

عدد المساهمات : 41 تاريخ التسجيل : 09/09/2010

أحساس رائع

تسلم أيدك ... وبأنتظار جديدك

لك مني اجمل تحية