يجي يوم وتجيني

موضوع: يجي يوم وتجيني الأحد سبتمبر 12, 2010 8:55 pm

يجي يوم وتجيني مدنك انته الراس
تعض اصبع ندامه تريد اعذرنك
يجي يوم وتجيني وتبجي بلى دموع
وترد نفس الدموع النوب يبجنك
يجي يوم وتجيني وتشكي بردى الحال
ولك ياحال تشرح حتى اصدكنك
لميتك شضايا وصرت بيه انسان
وذبحت ايام حلوه بحزني المنك
وعليتك بديا ووصلت للغيم
وبدفعه اني كادر جنت اوكعنك
عفتني بلا جنح ومكسر الرجلين
وجيوش عداي هدت واني افزعنك
افزعنك عليهم شو علي هديت
ولازم سيفي بيدك كتلي اطعننك
تطعني واكولك انته سالم كون
واذبح نفسي بيدي خاف اتعبنك
بجيت دموع بيهن غركيت الكون
ولادمعاتي ذني بيوم هزنك
تذكر من عفتني بغابه الاحزان
وذيب الوكت عضني واني اريدنك
واكولك هاذا سجين بيدك واكتل انته الذيب
بحلك الذيب صرت سنون اشوفنك
هسه تريد اسامح شنسه منك كول
وياذنب الاعوفه ومنه اشطبنك
روح بعيد ولاترد ردود
مو معناها اكرهك بس مااحبنك
احبك وانته روحي واغلى من الروح
وروح الروح تبقى وبيها احرسنك
بس ذنبك جبير وانته تعرف زين
ومثل مابعت كلبي اليوم ايبيعنك

الـــــلــه. صراحة هذا شعر صدق يخبل.
عاشت أديك
اجــــــــــــــــيـت. بوقـــــــــــــتك